İqbal Ağazadənin təbliğat-təşviqat kampaniyası uğurla davam edir
Ümid Partiyasının sədri, 90 saylı Ağdaş Seçki Dairəsində keçiriləcək təkrar seçkilərdə qeydə alınan namizəd İqbal Ağazadənin təbliğat-təşviqat kampaniyasının ikinci günündə Ağdaş şəhərinin mərkəzində uğurlu təbliğat prosesi keçib
İcra Hakimiyyətinin I müavini Cavid Osmanovun ağdaşlı olmasına baxmayaraq, əhalinin namizəd İqbal Ağazadəyə münasibətindən görmək olar ki, ağdaşlılar parlamentdə məhz onun millət vəkili olmasını istəyirlər.
Aparılan kampaniya dövründə İqbal Ağazadənin çap olunmuş minlərlə bukletlərinin üzərinə öz əlaqə nömrələrini qeyd etməsi əhali arasında böyük ajiotaj yaradıb və insanlar ona zəng edərək, problemlərini səsləndirməklə yanaşı onun yanında olduqlarını bildiriblər.
