İran və Səudiyyə Ərəbistanı arasında

İran Səudiyyə Ərəbistanını kiber hücumlar törətməkdə ittiham edir

Ölkə.Az xəbər verir ki, Tehran İran Statistika İdarəsinin saytına edilən hücumların arxasında Ər-Riyadın dayandığını iddia edir

İranın Statistika İdarəsindən sonra Səudiyyə Ərəbistanının Statistika İdarəsinə kiber hücumun olması iki ölkə arasında kibermüharibə gərginliyinə səbəb olub.

Bu barədə Ölkə.Az Anadolu Agentliyinə istinadən məlumat verir.

Bir gün əvvəl İran KİV-ləri İran Statistika İdarəsinin saytına kiber hücum edilməsi barədə xəbər yaymışdılar.

KİV-lər kiber hücumun İŞİD terror təşkilatının hakerləri tərəfindən törədildiyini yazsalar da, sonradan İran İnqilab Keşikçiləri Korpusuna yaxın mənbələr kiber hücumların Səudiyyə Ərəbistanı tərəfindən dəstəklənən qrup tərəfindən törədildiyini yazıblar.

10 gün öncə, İran Mülkü Müdafiə İdarəsinin rəhbəri, general Qulamrıza Cəlali Səudiyyə Ərəbistanın İrana qarşı genişmiqyaslı kiber hücum hazırladığını bildirmişdi.

İlhamə
Ölkə.Az