Həkimlər 2016-cı il Yay Olimpiya Oyunlarını təxirə salmağa çağırırlar

Bütün dünyadan yüzdən çox nüfuzlu həkim Ümumdünya Səhiyyə Təşkilatının (ÜST) rəhbəri Marqaret Çana açıq məktub göndərərək, 2016-cı il Yay Olimpiya Oyunlarının təxirə salınmasını xahiş ediblər

Ölkə.Az "BBC"yə istinadən bildirir ki, onlar bu addımı Zika virusunun qarşısını almaq üçün atıblar.

Zika virusu həşəratlar vasitəsi ilə yayılır. Virus ana bətnindəki körpələrin sağlamlığına birbaşa təsir göstərərək onların anomal dərəcədə kiçik başla doğulmalarına və nəticədə əsəb xəstəliklərinə tutulmalarına səbəb olur. Həkimlər xəstəliyin cinsi yolla keçdiyini də ehtimal edirlər.

DST-nın yaydığı bəyanatda bildirilir ki, Olimpiadanın təxirə salınması və ya keçiriləcəyi yerin dəyişdirilməsi virusun qarşısının alınmasına əhəmiyyətli təsir göstərməyəcək.

"Milyonlarla insan Cənubi Amerikaya səyahət edir və bu heç də bütün dünyada virusun yayılmasına gətirib çıxarmayıb. Xəstəlikdən qorunmağın ən yaxşı yolu səyahət zamanı gigiyena normalarına əməl etməkdir",- deyə ÜST qeyd edib.

İlhamə
Ölkə.Az