Röya: “Aşiq olmuşam, çox sevirəm”
Əməkdar artist Röya Ayxan "Elektra Events Hall"da "Kesin bilgi" adlı konsert proqramı ilə çıxış edib
Ölkə.Az musavat.com-a istinadən xəbər verir ki, əməkdar artistdən öncə səhnəyə DJ-lər çıxaraq qonaqlara əyləncəli anlar yaşadıb. Gecənin aparıcısı Nurlan Növrəsli olub. Röya isə səhnəyə saat 22:00-da çıxıb.
Tamaşaçıları salamlayan sənətçi həyəcanlı olduğunu gizlətməyib: “Bu günü səbrsizliklə gözləyirdim, biz yenə də görüşdük. Yaşından asılı olmayaraq bütün fanatlarımı çox sevirəm. Sizin də məni sevdiyinizi bilirəm. Hər kəsə xoş əyləncə arzulayıram".
Ard-arda sevilən mahnılarını səsləndirən Röya sevgi etirafı da edib: “Bilin ki, aşiq olmuşam, çox sevirəm”
Müğənninin sözləri tamaşaçılar tərəfindən alqışlarla qarşılanıb. İki fərqli libas ilə səhnəyə çıxan müğənni rəqqaslara qoşularaq rəqs nömrələri də nümayiş etdirib.
Qeyd edək ki, konsertdə Zamiq Hüseynov, Tunar və Sevil, Sevinc bacıları da iştirak edib.
