Putin Krımın qaytarılması haqqında: Allah sizin dananıza bizim canavarı yeməyi nəsib etsin
Ölkə.Az xəbər verir ki, RF prezidenti Vladimir Putin Afinaya səfəri zamanı Krımın Ukraynaya qayarılması barədə Rusiyanın heç kimlə müzakirə aparmayacağını bildirib.
"Krım məsələsi bağlanıb. Bu, Krımda yaşayan insanların tarixi qərarıdır", - deyə o Yunanıstan rəhbərliyi ilə danışıqların yekununa həsr olunmuş mətbuat konfransında bildirib.
"Rusiya heç kimlə bu barədə müzakirə aparmayacaq. Bununla bağlı yadıma bir məsəl düşür - Allah sizin dananıza bizim canavarı yeməyi nəsib etsin. Gəlin birdə bu barədə danışmayaq", - deyə o fikrini yekunlaşdırıb.
Xəbər verildiyi kimi, Ukrayna prezidenti Petro Poroşenko bir neçə gün əvvəl pilot Nadejda Savçenkonun vətənə qaytarılması ilə bağlı şərh verərkən söyləmişdi ki, Ukrayna Savçenko kimi Krımı da geri qaytaracaq.
