"Böyük türk millətindən üzr istəyirəm"
Türkiyənin cənubi-şərq vilayətlərində antiterror əməliyyatları davam edir.
Ölkə.Az xəbər verir ki, bütün sığınacaq və barrikadaları dağıdılan PKK terror təşkilatının üzvləri kütləvi şəkildə türk polisinə və əsgərinə təslim olur.
Mardinin Nusaybin rayonunda əməliyyatların dairəsini daraldan təhlükəsizlik qüvvələrinə onlarla PKK terrorçusu təslim olub.
Ac, susuz və halsız vəziyyətdə ağ bayraqla türk əsgərinə təslim olan terrorçular peşman olduqlarını bildiriblər. Onlardan biri ağlayaraq aldadıldıqlarını deyib.
"Bizi vədlərlə aldatdılar. Sonra da geri dönmək istəyəndə başımıza silah dayayaraq ölümlə təhdid etdilər. Ailəmlə aramda narazılıq olduğuna görə, evdən küsüb terror təşkilatına qoşulmuşdum. Böyük türk millətindən etdiklərimə görə üzr istəyirəm. Peşmanam", deyə terrorçulardan biri ağlayaraq bildirib.
