23 yaşlı NBA basketbolçusu öldürülüb
ABŞ-da "New Orleans Pelicans" klubunun fevral ayında transfer etdiyi 23 yaşlı basketbolçuBrays Dejan-Cons qətlə yetirilib.
İdmançı qarın nahiyəsindən aldığı güllə yarasından ölüb. Hadisə Dallasda baş verib.
Mənbənin bildirdiyinə görə, ötən gecə gənc basketbolçu adı çəkilməyən Dallas sakininin evinin qapısını sındıraraq içəri daxil olub. Ev sahibi Dejan-Consu güllələyib. Hadisə yerinə gəlmiş həkimlərin səylərinə baxmayaraq, idmançını xilas etmək mümkün olmayıb.
Fevral ayında Brays Dejan-Cons NBA-də çıxış edən "New Orleans Pelicans" klubu ilə 3 illik müqavilə imzalamışdı. (virtualaz.org)
