İstanbulun fəthindən 563 il keçdi

Türkiyədə İstanbulun fəthinin 563 illiyi qeyd edilib

Tədbirdə Türkiyə prezidenti Rəcəb Tayyib Ərdoğan iştirak edib

Ölkə.Az "Anadolu" agentliyinə istinadən xəbər verir ki, İstanbul qubernatoru və meriyası tərəfindən şəhərin türklər tərəfindən fəthinin 563 illiyinə həsr olunmuş təntənəli mərasim keçirilib.

Mərasimə Türkiyənin dövlət başçısı Rəcəb Tayyib Ərdoğan, xanımı Əminə Ərdoğan, baş nazir Binəli Yıldırım da qatılıblar. Tədbirdə Türkiyənin dövlət himni səslənib. Daha sonra 563 nəfərlik "Yeniçəri orkestri"nin ifasında cəngi və marşlar səsləndirilib. "Türk yıldızları" eskadrilyasının hava şousu da tədbirə gələnlər tərəfindən maraqla qarşılanıb. Həmçinin, İstanbulun fəthində qəhrəmanlıq göstərən insanların xatirəsi bir dəqiqəlik sükutla anıldıqdan sonra Qurani Kərimdən surələr oxunub.

Təntənəli tədbir atəşfəşanlıqla başa çatıb.

İlhamə
Ölkə.Az