ABŞ-da atışma: 2 ölü, 6 yaralı
Hyustonda atışma nəticəsində iki nəfər ölüb, 6 nəfər yaralanıb
Atışma yaxınlıqdakı yanacaqdoldurma məntəqəsində yanğına səbəb olub.
ABŞ-ın Texas ştatında iki naməlum şəxs yoldan keçənlərə və polislərə atəş açmağa başlayıb. İnsident nəticəsində iki nəfər ölüb, 6 nəfər yaralanıb.
Bu barədə Ölkə.Az "Reuters" agentliyinə istinadən xəbər verir.
"Polisin cavab atəşi ilə hücum edən şəxslərdən biri öldürülüb, digəri yaralanıb.",- deyə polislərin məlumatında qeyd edilir. Yaralananlardan ikisi polisdir. Onlardan birini ölümdən zirehli jilet xilas edib.
"Hadisə heç bir zəmin olmadan baş verdi. Hücum edənlər AR- tüfəngləri ilə silahlanmışdılar. Onlar ətrafdakı bir neçə maşına, xüsusi təyinatlı polis əməkdaşlarına, hadisə yerinə çağırılmış patrul helikopterinə atəş açdılar. Atışma nəticəsində yaxınlıqdakı yanacaqdoldurma məntəqəsində yanğın baş verdi",- deyə polisin məruzəsində qeyd edilir.
İlhamə
Ölkə.Az
