İraq hərbçiləri Əl-Fəllucə şəhərinə daxil olublar

İraq hərbçiləri İŞİD-in nəzarətində olan Əl-Fəllucə şəhərinə daxil olub

İraq Hərbi Qüvvələri İŞİD terror qruplaşması tərəfindən işğal edilmiş Əl-Fəllucə şəhərinə daxil olub.

Bu barədə Ölkə.Az "Ria Novosti" agentliyinə istinadən məlumat verir.

"Biz bu gün səhər tezdən Əl-Fəllucəyə girmək üçünü əməliyyatlara başlamışıq",- deyə antiterror xidmətinin nümayəndəsi bildirib.

Şiələrdən ibarət döyüşçülər şəhər kənarında yeraltı tunellər aşkarlayıblar. Terrorçular bu tunellərdən öz mövqeləri arasında əlaqə saxlamaq üçün istifadə ediblər. İraq hərbi Qüvvələri Əl -Fəllucənin azad edilməsi üzrə əməliyyatlara bir həftə əvvəl başlayıblar. Bu müddət ərzində bir neçə yaşayış məntəqəsi azad edilib. Həmçinin, İŞİD-in şəhər özəyinin başçısı Hacı Həmzə məhv edilib.

İraq ordusu hücumdan öncə şəhər əhalisinə şəhəri boşaltmağı əmr edib. Bunu edə bilməyənlərə terrorçuların bazalarından uzaq durmaq və evlərin üstündən ağ bayraq asmaq tövsiyə olunub.

Əl-Fəllucə Bağdaddan qərbdə yerləşir, şəhər 2014-cü ildən terrorçuların nəzarəti altındadır. Müharibəyə qədər şəhərin 350 min sakini olub.

İlhamə
Ölkə.Az