İqbal Ağazadənin seçki kampaniyasına qarşı təxribat
İqbal Ağazadənin təbliğat kampaniyası uğurla davam etdirilir
İqbal Ağazadənin Seçki Qərargahı növbəti məlumatını yayıb.
Ölkə.Az həmin məlumatları təqdim edir:
İ.Ağazadənin Seçki Qərargahının üzvləri qapı-qapı kampaniyasını uğurla davam etdirir. Bu gün Ağdaş rayonunun Korarx, Cüvə, Pirkəkə, Ərəbocağı kənd sakinləri ilə görüşən qərargah üzvlərimiz seçicilərə təbliğat materialları paylayıb, namizədlə bağlı əlavə məlumatlar verib, seçiciləri 18 iyunda seçkidə iştirak etməyə, İqbal Ağazadəyə səs verməyə çağırıblar. Kənd sakinləri həmişəki kimi qərargah üzvlərimizi çox mehriban, qonaqpərvər və isti qarşılayıblar. Bu günə qədər digər ərazilərdə aparılan təbliğat öz effektini verib. Sakinlər İ. Ağazadənin parlament fəaliyyətindən xəbərdar olduqlarını deyir və bildirirlər ki, o hər zaman parlament kürsüsündən xalqın problemlərini deyib, problemlərin həlll olunmasına çalışıb.
Qərargah üzvlərimiz olduqları kəndlərin problemləri ilə də maraqlanıblar. Bəlli olub ki, bu kəndlərdə yol, işıq, qaz və içməli su problemləri ciddidir. Deyiblər ki, bölgədən və seçki dairəsindən asılı olmayaraq hər bir Azərbaycan vətəndaşını narahat edən məsələləri parlamentdə qaldırdığı və həllinə çalışdığı üçün səslərini İqbal Ağazadəyə verəcəklər. Və artıq seçicilər İqbal Ağazadənin təbliğat materiallarını paylamaqda köməklik edir və könüllü şəkildə təbliğat kampaniyasına qoşulublar.
Qeyd edək ki, təxribatçılar yenə da öz işindən qalmayıb, hər kənddə bir-neçə öyrədilmiş şəxs təxribat törətməyə çalışıb. Belə ki, kəndlərin bələdiyyə sədrləri və icra nümayəndələri bu təxribatlarda xusüsi canfəşanlıq ediblər. Sakinlərin bildirdiyinə görə Ərəbocağı kəndinin Zülfi adlı icra nümayəndəsi qapı-qapı gəzərək vətəndaşlara seçkidə Cavid Osmanova səs verməyə təzyiq edir, onlara hansısa sənədi imzaladır və bildirir ki,əgər Cavid Osmanova səs verməsələr məsuliyyətə cəlb olunacaqlar. Güman edir ki, bu cür hallar bütün kəndlərdə baş verir.
Əlavə olaraq qeyd edək ki, təxribatçılar Pirkəkə kəndinin girəcəyində yolu kəsərək seçki qərargahının üzvlərini kəndə buraxmayıblar. Böyük bir mübahisə yaranıb və təxribatçıların özləridə etriaf edib ki onlara tapşırıqı icra hakimiyyətinin I müavini tərəfindən verilib. Onlara seçki məcəlləsi xatırladılıb və qanuna tabe olmaq tövsiyə olunub. Amma onlar öz bildiklərini etməyə çalışıblar. Daha sonra seçki qərargahından Ağdaş polisinə müraciət olunub, polis əraziyə gələrək asayişi təmin edib və seçki qərargahı təbliğat prosesini normal qaydada həyata keçirib.
Əlavə olaraq qeyd edək ki, Təşviqat lövhəsinə vurulan təbliğat materiallarımız cırılır. Təəssüf ki, bu DSK-nın yaxınlığında olan təbliğat lövhələrində də baş verir. Bu onu göstərir ki, İqbal Ağazdənin təbliğat şəkillərinin cırılması xüsusi planlı şəkildə hakimiyyət namizədi tərəfindən təşkil olunur. Hakimiyyətin namizədinin bu özbaşınalıqları yerli camaat tərəfindən narazılıqla qarşılanır. Təxribatların qarşısı da elə seçicilərin özləri tərəfindən alınır.
90 saylı seçki dairəsindən deputatlığa namizədliyi qeydə alınmış namizəd, Ümid Partiyasının sədri İqbal Ağazadənin təbliğat kampaniyası davam edir.
