Rus aviasiyası vurdu, 23 suriyalı həlak oldu

Rusiyanın Hava Kosmik Qüvvələrinin İdlibə zərbələri nəticəsində 23 nəfər dinc sakin həlak olub

Ölkə.Az "Anadolu" agentliyinə istinadən bildirir ki, Rusiya HKQ-nin zərbələri nəticəsində Suriyanın İdlib şəhərində Əl-Vətəni və İbn Sina xəstəxanaları darmadağın edilib, 23 dinc sakin ölüb, 35 nəfər yaralanıb.

Rusiya hərbi qüvvələri Ərar məscidinə, Kusur və Sevrə məhəllələrinə də dağıdıcı zərbələr endiriblər.

İdlib mülkü müdafiə qüvvələrinin rəhbərlərindən biri Əbdürrəzzaq Cübeyri bildirib ki, ruslar ümumilikdə İdlibə 17 zərbə endiriblər.

Məlumata görə, ölənlər arasında qadınlar və uşaqlar da var.

İlhamə
Ölkə.Az