Honkonq ABŞ-ı geridə qoydu

Honkonq dünyada ən rəqabətə davamlı iqisadiyyata malik ölkələr siyahısında ABŞ-ı qabaqlayıb

Ölkə.Az "İtar-TASS" agentliyinə istinadən xəbər verir ki, ABŞ rəqabətə davamlı iqtisadiyyatlar reytinqində Honkonqdan bir pillə geri qalıb.

İsveçrədə fəaliyyət göstərən Beynəlxalq Menecmentin İnkişafı İnstitutunun hazırladığı məruzə belə deməyə əsas verir.

"Aparıcı bank və maliyyə mərkəzi olaraq, Honkonq sadə və aşağı vergiqoyma vasitəsi ilə innovasiyaları dəstəkləyir, kapitalın hərəkətinə maneə qoymur. Bununla yanaşı, o kapital bazarında yeni gücə çevrilmiş Çinə birbaşa xarici investisiya axını üçün qapı rolunu oynayır",- deyə məruzədə qeyd edilib.

"Biz Honkonqun dünyada ən rəqabətə davamlı şəhəri statusunu özünə qaytarmasına sevinirik",- deyə Honkonqun maliyyə naziri Con Tsanq bildirib.

İlhamə
Ölkə.Az