Boş qalan həbsxanalar qaçqınlara ev oldu

Hollandiyada orta cinayətkarlıq səviyyəsi çox aşağı olduğu üçün həbsxanalar demək olar ki, boşdur.

Buna görə də ölkəyə gələn qaçqınlar yaşamaq üçün həbsxanalarda yerləşdirilirlər.

Ölkə.Az Türkiyə mətbuatına istinadən məlumat verir ki, Əlcəzair, İran, Əfqanıstan kimi ölkələrdən gələn qaçqınlar bu vəziyyətdən heç də şikayətçi deyillər.

Qaçqınlardan bir çoxu jurnalistlərlə söhbətdə bildiriblər ki, cinayətkarlar olmadığı üçün həbsxanaları boş olan ölkə yaşamaq üçün ən etibarlı ölkə deməkdir.

Hollandiyada cinayətkarlıq səviyyəsi və azadlıqdan məhrum edilənlərin sayı çox azaldığına görə bəzi həbsxanalar ümumiyyətlə bağlanıb.

İlhamə
Ölkə.Az