Ələkbərovun müavininin oğluna qarşı cinayət işi açıldı
“Lukoyl” şirkətinin vitse-prezidenti Azat Şamsuarovun 20 yaşlı oğlu Ruslana qarşı növbəti dəfə cinayət işi açılıb.
Bu, biznesmenin oğlun qarşı açılmış artıq üçüncü cinayət işidir.
Bundan öncə gənc oğlana 15 sutkalıq inzibati həbs hökmü verilmişdi.
Qeyd edək ki, Ruslan Şamsuarov bir neçə gün öncə “Gelandewagen” avtomobili ilə Moskvada dostları ilə birgə “avtoşluq” edib. Onları saxlamağa çalışan polisləri ələ salmağa başlayan gənclər hətta polisdən qaçışı videoya da çəkiblər.
Azat Şamsuarov “Lukoyl”un prezidenti, azərbaycanlı milyarder Vahid Ələkbərovun müavinidir. (qafqazinfo)
