İlahiyyatçı nazirliyi məhkəmədə uddu
Vergilər nazirliyinin Elşad Mirinin rəhbərlik etdiyi mərkəzi cərimələməsindən sonra ilahiyyatçı alim nazirliyi məhkəməyə vermişdi.
"Media Təqib Mərkəzi"nin rəhbəri, ilahiyyatçı alim Elşad Mirinin Ölkə.Az-a verdiyi məlumata görə o, Vergilər nazirliyini məhkəmədə udub.
"Bu ölkədə ədalətin olduğuna həmişə inanırdım, indi isə inamım daha da artmağa başlayır. Rəhbərlik etdiyim "Media Təqib Mərkəzi" MMC-yə Vergilər Nazirliyi tərəfindən açılan səyyar vergi yoxlamasının nəticəsi barədə aktın etibarsız olduğu, əvəzimdə çəkilən imzanın saxta olduğu məlum oldu və məhkəmə bu gün lehimizə qərar verərək tətbiq olunan cəriməni ləğv etdi! İndi qaldı, müfəttişə qarşı rəsmi sənəddə saxtakarlıq və vəzifə səlahiyyətlərindən sui-istifadə üzrə cinayət işinin açılması".
