Rövnəq Abdullayev: AÇG blokuna 41 milyard dollar yatırılıb
Azərbaycan son dövrlər etibarlı qaz ixracatçısı kimi Avropanın ən böyük enerji və infrastruktur layihələrini həyata keçirir.
Ölkə.Az xəbər verir ki, bunu bu gün Bakıda keçirilən beynəlxalq Xəzər Neft və Qaz ("Caspian Oil & Gas") konfransında çıxışı zamanı SOCAR-ın prezidenti Rövnəq Abdullayev bildirib.
"“Azəri-Çıraq-Günəşli” yataqları blokunun işlənməsinə yatırılan vəsaitin həcmi 41 milyard dollardan artıq olub. SOCAR-ın "Azneft" İstehsalat Birliyi bu vaxta qədər 49 yatağın işlənməsini həyata keçirib. Ekoloji tədbirlər nəticəsində əlavə 281 milyon kubmetr səmt qazı əldə olunub. Gələcəkdə illik qaz hasilatını 40 milyard kubmetrə çatdırmaq imkanımız var", - deyə R. Abdullayev qeyd edib.
SOCAR prezidenti əlavə edib ki, 2024-cü ilədək AÇG-dən 5 milyard barel neftin hasil edilməsi nəzərdə tutulur.
