"ASAN Kommunal" mərkəzləri avqustda təhvil veriləcək
""ASAN Kommunal" mərkəzlərinin yaradılması ilə bağlı intensiv işlər aparılır".
Ölkə.Az xəbər verir ki, bunu jurnalistlərə açıqlamasında Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov deyib.
Onun sözlərinə görə, prezident İlham Əliyevin tapşırığına əsasən "ASAN Kommunal" mərkəzləri çox qısa müddət ərzində təhvil verilməlidir: "Hesab edirəm ki, avqust ayı ərzində "ASAN Kommunal" mərkəzləri təhvil veriləcək".
İ.Kərimov bildirib ki, artıq potensial yerlər müəyyən olunub və bu yerlərdə hazırlıq işləri aparılır: "Yayın sonunda vətəndaşlarımız "ASAN Kommunal" mərkəzlərindən istifadə edəcəklər".
