Suriyada növbəti bombardman: 10 ölü, 9 yaralı

Rusiya və Bəşər Əsəd Rejiminin hərbi hava qüüvvələri İdlibdə yaşayış rayonlarını bombalayır.

Hava hücumları zamanı 10 nəfər ölüb, 9 nəfər yaralanıb, yüzlərlə bina dağılıb.

Ölkə.Az Anadolu Agentliyinə istinadən xəbər verir ki, Rusiya Hərbi Kosmik Qüvvələri və Suriya Hərbi Hava Qüvvələri İdlib vilayətində Erix və Tel-Bissa şəhərlərində mülki əhalinin yaşadığı məhəllələri bombardman edib. Hücum nəticəsində 10 mülki şəxs ölüb, 9 nəfər yaralanıb.

Agentlik Mülki Müdafiə İdarəsinin məlumatına əsasən bildirib ki, mülkü müdafiə komandaları dağıntılar altından ölən və yaralananları çıxarmaqla məşğuldur. Yaralılar səhra hospitalına yerləşdiriliblər.

Məlumatda qeyd edilir ki, Əsəd və rus qoşunlarının hava hücumlarını bir-birindən fərqləndirmək asandır.

Rusiya istehsalı olan Suriya bombardmançıları çox yüksəkdən dəqiq zərbələr endirə bilmirlər. Buna görə də Suriya HHQ alçaqdan geniş ərazini hədəf alaraq zərbələr endirirlər. Çoxlu sayda döyüş sursatından istifadə edildiyi üçün dağıntılar da çox olur. Eyni zamanda Suriya təyyarələrinin hücumları zamanı həddən artıq səs effektləri olur.

Rusiya təyyarələri hədəfə yaxınlaşmırlar. Onlar hücuma keçdikdə yalnız bombaların partlayış səslərini eşitmək mümkün olur.

İlhamə
Ölkə.Az