Türkiyə Almaniyadakı səfirini geri çağırdı

Almaniya Bundestaqı "erməni soyqırımını" tanıyan qətnamə qəbul etdikdən sonra Türkiyə Almaniyadakı səfirini geri çağırıb.

Bu barədə Ölkə.Az Türkiyə mətbuatına istinadən məlumat verir.

Türkiyə baş nazirinin müavini Numan Kurtulmuş Bundestaqın qərarı barədə danışaraq Türkiyənin Almaniya parlamentinin bu qərarını qəbul etmədiyini söyləyib. O, deyib ki, Türkiyə Bundestaqın qətnaməsinə layiqli cavab verəcək.

Bir gün əvvəl baş nazir Binəli Yıldırım isə qeyd etmişdi ki, Almaniya bu qərarı qəbul etsə iki ölkə arasındakı münasibətlər pisləşəcək.

"Biz ümid edirik ki, Almaniya 1915-ci ildə baş vermiş hadisələrə daha düzgün qiymət verəcək",- deyən nazir əlavə etmişdi ki, Türkiyə tarixində heç bir zaman soyqırım hadisəsi baş verməyib.

İlhamə
Ölkə.Az