Gündəlik həyatda lazım olan məsləhətlər
- Ayaqqabıların içərisindən gələn xoşagəlməz qoxunu yox etmək üçün onun içini spirtlə isladılmış pambıqla silin.
- Qrip olacağınızı, boğazınızın ağrımağa başladığını hiss edirsinizsə duzlu su ilə qarqara edin və neft hopturulmuş bintlə kompres edin.
- Göbələk immuniteti gücləndirən ən gözəl qidadır. Antibiotik müalicəsi almaq istəmirsinizsə bol-bol göbələk yeyin.
- Paltaryuyan maşınlarınızın içərisindən ərpi çox ucuz və asan üsulla təmizləyə bilərsiniz. Bu işdə sizə limon duzu kömək edəcək. Ayda bir dəfə maşının yuyucu toz tökülən qutusuna limon duzu tökün və boş halda yuma düyməsini basın. Nəticədən gözəl mənada heyrətlənəcəksiniz.
- Sizcə, keçmişdə, yuyucu tozlar istehsal edilməzdən öncə nənələrimiz ağ rəngli paltarları necə təmizləyirdilər. İki üsulla. Birincisi, sabun əvəzi gilabi adlı təbii məhsuldan istifadə olunurdu. İkinci üsul sizi daha çox təəccübləndirəcək. Paltarların qaynadıldığı suyun içərisinə ocaq külü və bitki yağı tökərlərmiş. Kül bulaşıq qabların ləkələrinin təmizlənməsində çox effektiv təsir göstərən təbii vasitədir. Heç bir kimyəvi qatışığı olmadığı üçün təhlükəli deyil.
- Külün daha bir özəlliyi sakitləşdirici təsirə malik olmasıdır. Həddən artıq ağlayan və yuxusuz qalan uşaqları yatızdırmaq üçün bir stəkan suyun içərisinə çox az miqdarda (yarım çay qaşığı) kül töküb uşağa içirərlərmiş.
- Əllərin və ayaq dabanların daha ağ görünməsini istəyirsinizsə, 20 dəqiqə pomidor şirəsinin içərisində saxlayın.
- Balıq iyini yox etmək üçün ən yaxşı vasitə alma sirkəsidir.
- Qolların altını diş pastası ilə yusanız xoşagəlməz tər qoxusundan azad olarsınız. Diş Pastasını çay sodası ilə də əvəz etmək olar.
- Həddən artıq cod saçları yuduqdan sonra üzüm sirkəsi qatılmış su ilə yaxalasanız parlaq və ipək kimi saçlara qovuşacaqsınız.
İlhamə
Ölkə.Az
