“Facebook” istifadəçilərin danışıqlarını dinləyir
Cənubi Florida Universitetinin KİV üzrə eksperti, professor Kelli Barns “Facebook” sosial şəbəkəsi ilə bağlı iddia irəli sürüb.
O, iddia edib ki, “Facebook” istifadəçilərin söhbətlərini dinləyir. Bu barədə “The Independent” nəşri yazıb.
Barnsın sözlərinə görə, “Facebook”da mobil tətbiq vasitəsilə danışıqlara qulaq asmaq üçün smartfonların mikrofonlarından istifadə olunur. Profesor bildirib ki, bu fərziyyəni sınaqdan keçirmək üçün bir neçə seçilmiş mövzuya uyğun tətbiq həyata keçirib və daha sonra həmin tətbiq söhbətə uyğun reklam göstərib.
Ekspert “Facebook”un kommersiya marağına görə istifadəçilərinin arxasından casusluq etdiyini söyləyib.
Şirkətdən isə bu cür mobil cihazlardan istifadə olunmadığı, danışıqların yazılmadığı bəyan edilib. (qafqazinfo)
