Evdən qovulan uşaq 7 gündən sonra sağ tapıldı
Yaponiyada 7 yaşlı uşaq meşədə bir həftə tək qaldıqdan sonra sağ tapılıb
Ölkə.Az "İnterfaks" agentliyinə istinadən məlumat veri ki, 7 yaşlı yaponiyalı Yamato Tanuka meşədə 1 həftə tək-tənha yaşadıqdan sonra sağ-salamat tapılıb.
Oğlanın valideynləri özünü pis apardığına görə onu meşənin içərisindən keçən yolda avtomobildən düşürərək çıxıb gediblər.
Lakin bir qədər sonra onlar uşağı götürmək üçün geri qayıtdıqda oğlan artıq orda olmayıb. Yamatonun axtarışlarına yüzlərlə polis işçisi və axtarış qrupu cəlb edilib.
O, meşədə buraxıldığı yerdən 5 kilometr uzaqda yerləşən özünümüdafiə qüvvələrinin bazasında yaşayıb. Oğlan bütün bu müddət ərzində yemək yemədiyini, yalnız su içdiyini söyləyib.
Uşağın valideynləri insanlara və avtomobillərə daş atdığına görə nadinc uşağı cəzalandırmaq istədiklərini söyləyiblər.
İlhamə
Ölkə.Az
