Gəncədə hamilə qadın əməliyyat zamanı öldü
Səhiyyə Nazirliyi Gəncədə hamilə qadının ölüm faktına münasibət bildirib.
Nazirliyin mətbuat xidmətindən Ölkə.Az-a verilən xəbərə görə, bütün ana ölümü faktları kimi Gəncədə 1982-ci il təvəllüdlü Aynur Oktay qızı Kərimovanın ölüm səbəbi Səhiyyə Nazirliyinin Doğuşayardım komissiyası tərəfindən araşdırılacaq.
Yalnız bundan sonra ölümün dəqiq səbəbləri məlum olacaq. Bundan sonra nazirliyin Doğuşayardım Komissiyanın rəyi ictimaiyyətə açıqlanacaq.
***
Gəncə şəhərində xəstəxanada ölüm hadisəsi baş verib.
Ölkə.Az APA-ya istinadən xəbər verir ki, hadisə Abbas Səhhət adına 1 saylı Şəhər Xəstəxanasında qeydə alınıb. Şəhər sakini, üçaylıq hamilə olan 1982-ci il təvəllüdlü Aynur Oktay qızı Kərimova özünü narahat hiss etdiyi üçün xəstəxananın Ginekologiya şöbəsinə yerləşdirilib.
Ona uşaqlıqdan kənar hamiləlik diaqnozu qoyulub və əməliyyat edilib. Əməliyyat zamanı qadın dünyasını dəyişib.
Faktla bağlı Gəncə şəhər prokuroluğunda araşdırma aparılır.
