Venesuelada ac əhali üsyan qaldırdı

Ölkə dərin böhranla üz-üzə qalıb

Ölkə.Az "BBC"yə istinadən xəbər verir ki, Venesuelanın paytaxtı Karakasda ərzaq və gündəlik tələbat mallarının çatışmazlığı səbəbi ilə etiraz aksiyaları və iğtişaşlar baş verib.

Ölkənin milli qvardiyasının əsgərləri San Martin rayonunda bir neşə mağazada ərzaq mallarını yerli təchizat komitələri vasitəsi ilə əhaliyə paylamaq üçün müsadirə edib. Rayon sakinləri hökumətin bu qərarına etiraz etmək istəyib və əsgərlərlə mülki şəxslər arasında qarşıdurma başlayıb. İğtişaşlar böyüyərək bütün paytaxtı əhatə edib.

Venesuela Baş Prokurorluğunun məlumatına görə, etirazçılar hadisələri işıqlandırmaq istəyən jurnalistlərə də hücum çəkərək onları döyüblər.

Venesuela son zamanlar genişmiqyaslı böhranla toqquşmalı olub. Neftin qiymətlərinin kəskin şəkildə azalması məhsul qıtlığı, inflyasiya və dövlət gəlirlərinin azalmasına səbəb olub. Ölkədə iqtisadi problemlərlə yanaşı, siyasi böhran da hökm sürür. Belə ki, müxalifətin nəzarətində olan yeni parlament ölkə prezidenti Nikolas Maduro ilə fikir ayrılığındadır ki, bu da vəziyyəti daha da gərginləşdirir.

İlhamə
Ölkə.Az