Səfirin adı qaçaqmalçılığa qarışdı

Ukraynanın Slovakiyadakı səfiri qaçaqmalçılıqla bağlı qalmaqal səbəbi ilə vəzifəsindən azad edilib

Ölkə.Az Ukrayna mətbuatına istinadən xəbər verir ki, Petro Poroşenko bu gün ölkənin Slovakiyadakı səfiri Oleq Qavaşanın vəzifəsindən azad edilməsi barədə əmri imzalayıb.

Mayın 22-də Ukraynanın Slovakiyadakı səfirliyinin birinci katibi Oksan Lişişının əri Ukraynadan Macarıstana diplomatik yük adı altından 60 min qutu siqaret keçirməyə çalışıb. Ukrayna XİN faktı təqdiq edib.

Mayın 23-də Zakarpatye Vilayət Administrasiyasının rəhbəri Gennadi Moskal qaçaqmalçılıq yolu ilə siqaret daşınan mikroavtobusun Ukraynanın Slovakiyadakı səfirliyinə aid olduğunu bildirib.

Ukrayna XİN xaricdə ezamiyyətdə olan Oksana Lişişini ölkəyə çağırıb. İnsidentdən xəbəri olan səfir Oleq Qavaşının da işinə xitam verilib.
Zakarpatye vilayət prokurorluğu vəzifə səlahiyyətindən sui istifadə və saxta sənəd düzəltmə maddələri üzrə cinayət işini icraata verib.

İlhamə
Ölkə.Az