Dünyanın ən qoca tələbəsi məzun oldu
Dünyanın ən yaşlı məzunu elmi dərəcə almaq istəyir.
Ölkə.Az xəbər verir ki, Yaponiyanın Takamatsu şəhərinin sakini, 96 yaşlı Siqemi Xiratanın adı dünyada ən qoca məzun kimi Ginnesin Rekordlar Kitabına daxil edilib.
Xirata 1919-cu il sentyabrın 1-də dünyaya gəlib. O, 85 yaşı olanda ciddi şəkildə poeziyanın öyrənilməsi ilə məşğul olmağa qərar verərək Kioto İncəsənət və dizayn Universitetinə daxil olub. S.Xirata universiteti 11 ildə baş vurub. " Mən xoşbəxtəm. Bu yaşda təhsil almaq çox gözəldir və əyləncəlidir",- deyə qoca məzun buraxılış mərasimində çıxışı zamanı qeyd edib. "Mənim növbəti hədəfim 100 il yaşamaqdır.Əgər yaxşı formada olsam təhsili davam etdirib dərəcə almaq istəyirəm",- deyən yaponiyalı yaxşı əhval-ruhiyyədə və uzun ömürlü olmasının sirrini çevrəsindəki insanların yaxşı olması ilə əlaqələndirib.
