Azərbaycanın tanınmış ixtiraçısı vəfat etdi
Azərbaycanın tanınmış ixtiraçısı iyunun 2-də Elman Əliverdiyev 73 yaşında dünyasını dəyişib.
Ölkə.Az-ın məlumatına görə, uzun müddət "Azərelektromaş" Elmi-İstehsalat Birliyinin baş direktoru vəzifəsində çalışan Əliverdiyev, 1987-ci ildə Azərbaycan SSR Dövlət mükafatı laureatı olub.
Azərbaycan Dövlət Neft və Kimya İnstitutunun (indiki Azərbaycan Dövlət Neft Akademiyası) Neft-mexanika fakültəsini bitirib, "Bakelektroştamp" zavodunda baş mühəndis müavini (1976-1982), "Azərelektromaş" istehsalat birliyinin baş mühəndisi (1982-1986) işləyib. Onun rəhbərliyi və bilavasitə iştirakı ilə elektronika sənayesində yüksək davamlı ştampların və press qəliblərinin hazırlanması, AİR 132, AİR 200, 4AM 280, 4AM 355 tipli elektrik mühərriklərinin, emallı mis məftillərin istehsalı sahəsində böyük uğurlar qazanılıb. Üç ixtiranın, səmərələşdirici təklifin müəllifidir.
Allah rəhmət eləsin!
