Gürcüstan Rusiyanı dünyada "yeni qayda-qanunlar" yaratmaqda ittiham etdi

Krım Rusiyanın bir hissəsi olduqdan sonra bütün dünya təhlükəsizlik baxımından ciddi təhdid altındadır.

Ölkə.Az Rusiya KİV-lərinə istinadən xəbər verir ki, bu fikirləri Gürcüstanın müdafiə naziri Tinatin Xudaşeli Polşada keçirilən qlobal forumda səsləndirib.

Hesab edirəm ki, bu gün Avropa və qlobal təhlükəsizlik təhdid altındadır. II Dünya Müharibəsindən sonra beynəlxalq ictimaiyyətin razılşadırdığı qanunları dəyişməyə, yeni beynəlxalq qanunlar tətbiq etməyə çalışan ölkə var. Buna ciddi cavab vermək lazımdır.", deyə Xudaşeli bildirib.

Daha öncə Polşanın XİN başçısı Vitold Vaşikovski də analoji bəyanatla çıxış edərək demişdi:

"Rusiya Qərb üçün təhlükəlidir. O həm ölkələrin ərazi bütövlüyünü təhdid edir, həmdə transatlantik birliyin bütövlüyünə xələl gətirir".

İlhamə
Ölkə.Az