Prezidentdən şok açıqlama

Hər kim narkotik alverçisini tutsa və ya öldürsə medalla təltif olunacaq

Ölkə.Az Rusiya KİV-lərinə istinadən xəbər verir ki, Filippinin yeni seçilmiş prezidenti Rodriqo Duterte yerli kanallardan birində çıxışı zamanı qeyd edib ki, istənilən şüurlu Filippin vətəndaşı narkodillerlə görüş zamanı ya polisə xəbər verməli, ya da özü şəxsən onu zərərsizləşdirməlidir. "Siz mənim dəstəyimə güvənə bilərsiziniz. Əgər narkotik alverçisi müqavimət göstərsə, öldürün! Güllələyin! Mən sizə medal verərəm",- deyə o bildirib.

O, Davao şəhərində xalq qarşısında çıxışı zamanı isə bildirib ki, istənilən narkobaronun cəsədinə görə 5 milyon peso (107,5 min dollar) ödəməyə hazırdır. Əgər narkobaronu sağ gətirsəniz mükafat min peso az olacaq. Ölkə başçısı nitqi zamanı narkotik alverçilərinə xitab edib: "Sən narkotik ticarətinə qurşanmısansa, səni öldürəcəm, sən sadəcə fahişə oğlusan və mən səni mütləq məhv edəcəm".

İlhamə
Ölkə.Az