Viktor Korçnoy vəfat edib
Korçnoy şahmatda 1952-ci ildə SSRİ çempionatında debüt edib.
Məşhur sovet şahmatçısı Viktor Korçnoy 85 yaşında dünyasını dəyişib.
Bu barədə məlumat Rusiya Şahmat Federasiyasının rəsmi saytında yerləşdirilib.
Korçnoy şahmatda 1952-ci ildə SSRİ çempionatında debüt edib və altıncı yeri tutub, 1956-cı ildə isə qrossmeyster adını alıb.
Əfsanəvi şahmatçı 1960-cı ildə SSRİ çempionu olub. Bundan sonra o daha üç dəfə SSRİ birinciliyini qazanıb.
V.Korçnoy 1976-cı ildə İsveçrəyə mühacirət edib 1994-cü ildə bu ölkənin vətəndaşlığını alıb. (oxu.az)