Şamaxıda qardaş qardaşı qanına qəltan etdi

Şamaxı rayonunda qardaş qardaşını odlu silahla qətlə yetirib, həyat yoldaşını isə yaralayıb. 

Ölkə.Az APA-ya istinadən xəbər verir ki,  1971-ci il təvəllüdlü Rəşidzadə Azad Əli oğlu ailə münaqişəsi zəminində ov tüfəngi ilə qardaşı 1967-ci il təvəllüdlü Rəşidov Azər Əli oğlunu güllələyib. Ağır xəsarətlər alan Azər Rəşidov hadisə yerində dünyasını dəyişib.

Hadisə zamanı əlində silah olan Azad Rəşidzadə onun qarşısını kəsən öz həyat yoldaşı 1982-ci il təvəllüdlü İbadova Möminə Əlişah qızına da atəş açaraq onu qolundan yaralayıb. Möminə İbadova Şamaxı Mərkəzi rayon Xəstəxanasının cərrahiyyə şöbəsinə yerləşdirilib. 

Hadisəni törədən Azad Rəşidzadənin tutularaq istintaqa cəlb edilməsi istiqamətində əməliyyat-axtarış tədbirləri davam etdirilir.

Faktla bağlı Şamaxı rayon Prokurorluğu tərəfindən cinayət işi açılıb, araşdırma aparılır.   

***

Şamaxı rayonunda qətl hadisəsi törədilib. 

Ölkə.Az Report-a istinadən xəbər verir ki, hadisə rayonun Çarhan kəndində qeydə alınıb. 

Belə ki, qardaşların mübahisəsi sonradan silahlı münaqişəyə çevrilib. 

Ağır bədən xəsarəti alan qardaşlardan biri dərhal Şamaxı Rayon Mərkəzi Xəstəxanasına çatdırılsa da, onun həyatını xilas etmək mümkün olmayıb. 

Onların şəxsiyyəti hələlik açıqlanmayıb. 

Faktla bağlı Şamaxı Rayon Prokrorluğunda araşdırma aparılır.