Türkiyəli diplomat Almaniya XİN-ə çağırıldı
İyunun 2-də Almaniya parlamentinin Osmanlı İmperiyasında ermənilərin kütləvi qırğınını “soyqırım” kimi tanıyan qətnaməni qəbul etməsi iki ölkə arasında gərginliyə gətirib çıxarıb.
Berlin hökuməti “soyqırım” layihəsinin lehinə olan millət vəkillərinə və qətnaməyə qarşı Türkiyə tərəfindən səsləndirilən tənqidləri müzakirə etmək üçün bu gün türkiyəli diplomatı Xarici işlər Nazirliyinə çağırıb.
Almaniya XİN-nin mətbuat xidmətinin açıqlamasında qeyd olunur ki, görüşdə diplomata ənənəvi Türkiyə-Almaniya dostluğu xatırladılıb. Eyni zamanda bildirilib ki, alman deputatlara qarşı səsləndirilən son fikirlər bu dostluğu əks etdirmir və anlaşılan deyil. (qafqazinfo)
