Kipr münaqişəsi 2016-cı ildə öz həllini tapacaq

Tərəflər nizamlanmaya hazır olduqlarını bəyan ediblər

Ölkə.Az "Anadolu" agentliyinə istinadən xəbər verir ki, Şimali Kipr Türk Respublikasının lideri Mustafa Akıncı BMT baş katibinin Kipr üzrə xüsusi müşaviri Espen Bart Eydeni qəbul edib.

İki saat davam edən görüşdən sonra Eyde jurnalistlərin suallarını cavablandırıb.

O, Akıncı ilə danışıqların konstruktiv və genişmiqyaslı olduğunu söyləyərək əlavə edib ki, adada yaşayan hər iki icma 2016-cı ildə münaqişənin nizamlanmasını istəyir.

Eyde Nikos Anastasiadislə Mustafa Akıncının sabah görüşlərinin keçiriləcəyini xatırladaraq bildirib ki, "tərəflərin vaxt itirməyə haqları yoxdur".

Qeyd edək ki, Kipr problemi üzrə danışıqlar Eydenin vasitəçiyi ilə 2015-ci il mayın 15-də başlayıb.

İlhamə
Ölkə.Az