Qazaxıstanda növbəti silahlı insident baş verib

Qazaxıstanda axtarışda olan terrorçular pioner düşərgəsinin mühafizəçisinə atəş açıblar

Ölkə.Az "İnterfaks" agentliyinə istinadən məlumat verir ki, iyunun 5-də Qazaxıstanda silahlı insident törədən terrorçular bu gün səhər pioner düşərgəsinin mühafizəçilərinə aəş açıblar.

Bu barədə Qazaxıstan Milli Təhlükəsizlik Komitəsinin sədri Vladimir Jumakanov dövlət başçısı Nursultan Nazarbayevlə görüş zamanı məlumat verib.

N. Nazarbayev Aktyubinsk vilayətində terror aktı ilə əlaqəsi olan hər kəsin tutulmasının vacibliyini vurğulayıb.

"Biz onların regionda olduğunu bilirik, şəxsiyyətləri müəyyən edilib. Bütün cinayətkarlar ələ keçirilməlidir. Müqavimət göstərəni məhv edin", deyə ölkə başçısı əmr edib.

İyunun 5-də Qazaxıstanda törədilmiş terror aktından sonra ölkədə 40 gün müddətinə"qırmızı" terror təhlükəsi səviyyəsi elan edilib.

İlhamə
Ölkə.Az