Prezidentlər üçün milyon dollarlıq avtomobil istehsal olunub

Hongqi adlandırılan bu avtomobil məhz prezidentlər üçün nəzərdə tutulub - böyük, güclü, vacib.

İstehsalçılar qarşılarına "Maybax" və "Rolls-Roysu" geridə qoymaq məqsədi qoyublar.

Bu yaxınlarda avtomobil açıq satışa çıxarılıb. Bir milyon dolları olan istənilən şəxs ona sahib ola bilər.

Maşın qabaq tərəfdən klassik "Volqa" avtomobilini xatırladır. Çinlilər bir zaman Xruşşovun Mao Tzseduna bağışladığı ağ "Volqa"nın xatirəsini əziz tutublar. Görünüşü klassikanı xatırlatsa da, mühərrik gücü və avtomobilin iç dizaynı müasirdir. Altı litrlik, 400 at gücündə mühərrik, saatda 200 kilometr maksimal sürət, 6 pilləli sürət qutusu. Prezident maşını təbii ki, bütün lazımi təhlükəsizlik sistemləri ilə təzhiz edilib.

Hongqi xüsusi sifarişlə əllə yığılıb. Satılan avtomobillərin sayı barədə məlumat verilməsə də, ilk alıcının Çin regionlarından birində mebel mağazaları şəbəkəsinin sahibi olduğu bildirilir.

İlhamə
Ölkə.Az