Qonşusunu bıçaqlayıb qaçdı

Bakının Binəqədi rayonunda qonşu qonşunu bıçaqlayıb.

Ölkə.Az musavat.com-a istinadən xəbər verir ki, hadisə Biləcəri qəsəbəsində baş verib.

41 yaşlı İmran Qardaşovla qonşusu arasında baş verən mübahisə qanlı sonluqla bitib. Qonşusu İmran Qardaşovu yaşadığı evin həyətində bıçaqlayaraq hadisə yerindən qaçıb. Yaralı xəstəxanaya çatdırılıb. İmran Qardaşovun həyatını həkimlər xilas edə bilib.

Hadisə barədə Binəqədi Rayon Polis İdarəsinin 6-cı Polis Bölməsinə məlumat verilib. Qonşusunu bıçaqlayan şəxsin saxlanılması istiqamətində əməliyyat tədbirləri həyata keçirilir. Faktla əlaqədar cinayət işi başlanıb.