Fransalı sülhməramlılar Afrikada uşaqlara qarşı seksual cinayətlər törədiblər

Fransalı sülhməramlıların Mərkəzi Afrika Respublikasında azyaşlı uşaqlara qarşı seksual xarakterli cinayətlər törətdiyini iddia edən BMT əməkdaşı Anders Kompass istefa verib. O, bunu cinayətkarların cəzasız qalmasına etiraz əlaməti olaraq edib.

2014-cü ilin iyul ayında Kompass fransalı prokurorları BMT-nin məxfi məruzəsi ilə tanış edib. Məruzədə fransalı sülhməramlıların uşaqlara qarşı seksual hərəkətlər etməsi barədə məlumatlar yer alıb. Hazırda Fransa Hökuməti 14 hərbçi barəsində sözügedən məsələ ilə bağlı araşdırmalar aparır.

Ekspertlər müəyyən ediblər ki, Mərkəzi Afrika Respublikasında 9 yaşlı uşaqlar yemək və ya pul qarşılığında intim xidmətlər göstərirlər.

Ötən il BMT tribunalı Kompassın məxfi materialları açıqlamasına görə işdən azad edilməsini ədalətsiz hesab edərək onun öz vəzifəsinə qaytarılmalı olduğunu bildirib.

İlhamə
Ölkə.Az