Ermənilər Ərdoğandan üzr istəmiş keşişi xain elan etdilər

Ölkə.Az Ermənistan KİV-lərinə istinadən xəbər verir ki, ermənilər Ərdoğandan üzr istəyən erməni keşişə qarşı kampaniyaya başlayıblar.

Məlumata görə, "Çiçəklənən Ermənistan" müxalifət partiyasının lideri, deputat Naira Zohrabyan bir gün əvvəl Türkiyə prezidenti Rəcəb Tayyib Ərdoğana məktub yazaraq, Almaniya Bundestaqının "erməni soyqırımı"nı qəbul etməsinə görə üzrxahlıq etmiş keşiş Aram Atəşyanın hərəkətini erməni xalqı üçün biabırçı ləkə adlandırıb.

Xatırladaq ki, İstanbul erməni Patriarxının vəkili Aram Ateşyan Türkiyə prezidentinə məktub göndərərək erməni ideoloqların erməni xalqını nə Türkiyədə, nə də Azərbaycanda dinc yaşamağa imkan vermədiklərini bildirmişdi. O, Bundestaqın soyqırımı faktını tanımasını xoşagəlməz adlandıraraq, xalqı adından Türkiyə prezidentindən üzr istəmişdi.

A.Ateşyanın bu məktubu erməni ictimaiyyəti arasında bomba effekti yaradıb.

"Bu məktub bizim üçün biabırçılıqdır. Belə bir hadisə erməni xalqının tarixində olmayıb. Biz bütün ermənilərin katalikosu Qaragenin məsələyə münasibət bildirməsini və arxiyepiskopu işdən azad etməsini tələb edirik. Bu bütün erməni xalqının məsələsi olmalıdır, bu biabırçılıqdan təcili nəticə çıxarılmalıdır",-deyə deputat vurğulayıb.

İlhamə
Ölkə.Az