Pakistanlı qız sevdiyi üçün anası tərəfindən vəhşicəsinə öldürüldü
Pakistanlı qız sevdiyi üçün anası tərəfindən vəhşicəsinə öldürüldü
Ölkə.Az Rusiya KİV-lərinə istinadən xəbər verir ki, Pakistanda daha bir "namus cinayəti" törədilib.
18 yaşlı Zinət Rafiq sevdiyi gəncə qoşulub qaçdığı və ona ərə getmək istədiyi üçün qətlə yetirilib. Anası Pərvin Rəfiq və qardaşı Zinətin əl-ayağını çarpayıya bağlayaraq öldürdükdən sonra cəsədini yandırıblar.
Pakistanın Lahor şəhərinin sakini Zinət Rafiq motosikletlərin təmir sexində mexanik işləyən Həsən Xanı sevirdi. Polis zabiti Şeyx Həmmadın dediyinə görə, üç gün əvvəl Pərvin Rafiqlə oğlu Həsənin evinə gedərək Zinəti geri qaytarmağa çalışıblar.
"Arvadım etiraz etdi, getməyəcəyini dedi. Onlar heç nə demədilər, getdilər. Zinət sonra ağladı, mənə yalvardı, "Onlar məni öldürmək istəyirlər" dedi", - Həsən Xan söyləyib.
Həsən Xanın sözlərinə görə, onlar rəsmi nikah kəsdiriblər və bu barədə sənədləri də var.
Zinətin anası həbs olunsa da, qardaşı qaçaraq aradan çıxıb. Polis onu axtarır.
