Rusiyanın Su-27 qırıcısı qəzaya uğrayıb

Rusiyanın Moskva vilayətindəki Puşkin rayonunun Muranova kəndinin yaxınlığında Su-27 qırıcısı yerə düşərək partlayıb.

Ölkə.Az "Ria Novosti" agentliyinə istinadən bildirir ki, təyyarə kəndin yaxınlığındakı meşəyə düşüb. Bu qırıcı Rusiyanın Hava-Kosmik Qüvvələrinin dünyaca məşhur "Russkie vityazi" qrupunun tərkibindəki təyyarələrdən biri idi.

Qəza zamanı qırıcının pilotu həlak olub. İlkin versiyalara görə, qəzaya səbəb pilotun səhvi və ya təyyarənin mühərrikindəki nasazlıq ola bilər. Qəza məkanında xəsarət alanlar yoxdur.

İlhamə
Ölkə.Az