Şvarsneqer və Klinton Məhəmməd Əlinin dəfnində selfi çəkdirdilər

Hollivud ulduzu, Kaliforniya ştatının keçmiş qubernatoru Arnold Şvarsneqer və Amerikanın keçmiş prezidenti Bill Klinton Məhəmməd Əli ilə vida mərasimində selfi çəkdiriblər.

Hollivud ulduzu bu şəkli özünün "Twitter" səhifəsində paylaşıb.

"Məhəmməd Əlinin ünvanına çox gözəl sözlər söyləyən dostum Bill Klintonu yenidən görmək əla oldu",- deyə aktyor öz səhifəsində yazıb.

Lakin Arnoldun izləyiciləri fotoşəkli birmənalı qarşılamayıblar.

Onlar "Dəfn mərasimində bu nə sevincdir, bircə rəqs etməyiniz çatışmır", "Dəfn mərasimi sizin üçün çox əyləncəli görünür" kimi müxtəlif şərhlərlə öz narazılıqlarını bildiriblər.

İlhamə
Ölkə.Az