Polis “Qanun” nəşriyyatının binasını əhatəyə alıb
Hüquq-mühafizə orqanlarının əməkdaşları mühafizəçinin telefonunu və giriş qapısının açarını götürüblər.
Ötən gün axşam saatlarında axtarış aparmaq üçün “Qanun” nəşriyyatına gələn polis əməkdaşları binanın ətrafında post qurub.
Ölkə.Az-ın APA-ya istinadən xəbərinə görə, bu barədə “Qanun” nəşriyyatının direktoru Şahbaz Xuduoğlu öz “Facebook” səhifəsində yazıb.
Ş.Xuduoğlu nəşriyyatın binasının ətrafında 3 yerdə post qurulduğunu bildirib. O, həmçinin qeyd edib ki, hüquq-mühafizə orqanlarının əməkdaşları mühafizəçinin telefonunu və giriş qapısının açarını götürüblər.
***
Şahbaz Xuduoğlu: "Nəsə tapılsa, bilin ki, məsuliyyət polisin üzərindədir"
Ölkə,Az xəbər verir ki, Bakı şəhər Polis İdarəsinin 15 nəfərdən çox əməkdaşı işdən sonra "Qanun" nəşriyyatına axtarış aparmağa gəliblər.
Bu barədə məlumatı nəşriyyatın sahibi Şahbaz Xuduoğlu öz Facebook səhifəsində yayıb: "Deyirlər ki, burda bomba var. Əgər nəşriyyatdan silah və qanundankənar nəsə tapılsa, bilin ki, bunun məsuliyyəti Bakı şəhər Polis İdarəsinin üzərindədir".
