Marsel belə qarışdı
Xəbər verdiyimiz kimi, Avropa Çempionatının bu gecə keçirilən İngiltərə -Rusiya qarşılaşmasından sonra azarkeşlər arasında qarşıdurma baş verib.
Ən azı 20 nəfər bu toqquşmalardan sonra xəstəxanaya yerləşdirilib. Təxminən eyni sayda insan polis bölmələrinə aparılıb. Sosial mediada 1 nəfər ingilis azarkeşin öldüyü haqda yayılan məlumatlar isə hələ ki, rəsmi təsdiqini tapmayıb.
Məlumata görə, qarşıdurma hakimin final fitindən sonra başlayıb. Velodrom stadionunun Rusiya azarkeşləri oturan hissəsində qarışıqlıq yaranıb. Daha sonra azarkeşlər stadiondan qaçmağa başlayıblar. Bundan sonra stadionun həyətində və Marsel küçələrində polisin çevik qüvvələri və ingilis-rus azarkeşlər arasında qarşıdurmalar davam edib.
Şəhərdə baş verən qarşıdurmanın videosunu təqdim edirik: (Qafqazinfo)
