Kraliçanın ad günü mərasimində əsgərin ürəyi getdi

Ölkə.Az xəbər verir ki, 90 yaşına qədəm qoyan İngiltərə kraliçası II Yelizavetanın ad günü təntənələri davam edir.

Artıq 63 ildir taxtda oturan və İngiltərə tarixində ən uzun müddətli monarx sayılan Yelizavetanın bu ilki yubiley mərasiminə çoxlu sayda ölkə vətəndaşı və turist tamaşa edib.

II Yelizaveta 21 aprel 1926-cı ildə anadan olub. 1748-ci ildən etibarən ölkədə monarxların doğum günləri həm anadan olduqları gün, həm də iyun ayının ikinci həftəsində qeyd edilir.

Bu dəfə kraliçanın ad günü tədbiri kiçik bir insidentlə yadda qaldı. Kral Mühafizə Xidmətinin əsgərlərindən biri anidən yıxılıb və özündən gedib. Ətrafdakılar bir qədər çaşsalar da bir neçə dəqiqə sonra xərək gətirilib və əsgərə yardım göstərilib.

İlhamə
Ölkə.Az