Rusiya qırıcısının qəza səbəbi bəlli oldu

Su-27 qırıcı təyyarəsinin qəza səbəbi aydın olub.

Ölkə.Az Rusiya KİV-lərinə istinadən məlumat verir ki, iyunun 9-da Moskva ətrafında yerə çırpılaraq yanmış qırıcı təyyarənin qəzaya uğrama səbəbi məlum olub.

Fəlakətin səbəbinin araşdırılması ilə məşğul olan komissiya üzvlərindən birinin "İtar - TASS" agentliyinə verdiyi məlumata görə, pilot Sergey Yeremenkonun uçuş zamanı insult keçirməsi qəzaya səbəb olub.

Rusiya Müdafiə Nazirliyindən isə bildirilib ki, S.Yeremenko təyyarənin yaşayış məntəqəsi üzərinə enməməsi üçün əlindən gələni edib.

İlhamə
Ölkə.Az