Asiya İnkişaf Bankı Azərbaycana dəstək verməyə hazırdır
Maliyyə Bazarlarına Nəzarət Palatasının (MBNP) Direktorlar Şurasının üzvlərinin iştirakı ilə Asiya İnkişaf Bankının (AİB) İcraçı Direktoru Metyu Foksun rəhbərlik etdiyi nümayəndə heyəti arasında görüş keçirilib.
Bu barədə Palatadan Ölkə.Az-a bildirilib.
Azərbaycanla münasibətlərə mühüm önəm verdiklərini bildirən M.Foks son dövrdə ölkədə aparılan islahatlar və maliyyə sektorunun dayaqlığının təmin edilməsi sahəsində atılan vacib addımları dəstəklədiklərini diqqətə çatdırıb.
Görüşdə hər iki tərəf ölkənin maliyyə sektorunun sağlamlaşdırılması istiqamətində əməkdaşlıq etməyə hazır olduqlarını bildirib.
Görüş MBNP ilə AİB arasında birgə əməkdaşlıq çərçivəsində atılacaq addımların müəyyən edilməsinə dair müzakirələrlə davam edib.
Xatırladaq ki, Maliyyə Bazarlarına Nəzarət Palatası ölkədə maliyyə sektorunun dayanıqlılığını təmin etmək və bu sahədə nəzarət mexanizmlərini təkmilləşdirmək məqsədi ilə Azərbaycan Prezidentinin Fərmanı ilə yaradılmışdır.
