\"BMT-nin yeni baş katibi qadın olsun\"

Ölkə.Az RİA Novosti agentliyinə istinadən xəbər verir ki, Rusiya Federasiyası XİN başçısının müavini Gennadi Qatilov BMT-nin yeni baş katibinin qadın olması ilə bağlı çağırışları ədalətli hesab edir.

"Son zamanlar bir çox dövlətlər BMT baş katibinin qadın olmasına dair çağırışlar edirlər. Biz bunu tamamilə ədalətli hesab edirik", deyə o bildirib.

G. Qatilov əlavə edib ki, yeni baş katib seçilərkən, peşəkarlıq, siyasi çəki, nüfuz və bir sıra başqa meyarlara diqqət yetirilməlidir.

Daha öncə Serbiyanın keçmiş xarici işlər naziri, BMT Baş Assambleyasının keçmiş sədri Vuk Yeremiç öz ölkəsinin hökuməti tərəfindən BMT-nin baş katibi vəzifəsinə namizədliyinin irəli sürüldüyünü söyləmişdi.

İlhamə
Ölkə.Az