Həmyerlimizə Neft Mühəndisləri Cəmiyyətinin mükafatı verilib

Norveçdə yaşayan həmyerlimizə Neft Mühəndisləri Cəmiyyətinin mükafatı təqdim edilib

Ölkə.Az xəbər verir ki, Norveçin "Statoyl" Neft Şirkətində yeraltı dəstək mərkəzində aparıcı mühəndis kimi çalışan Rüfət Babayev Stavangerdə Neft Mühəndisləri Cəmiyyətinin (SPE Stavanger) "İlin gənc mühəndisi" mükafatına layiq görülüb. O, Statfyordun istismar müddətini bitirmiş iki quyusunda boruların tərs qaz axını sisteminin quraşdırılması (İGLS) layihəsində fəaliyyətinə görə mükafatlandırılıb.

Rüfət Babayevin aldığı nəticələr barədə məruzəsi 2015-ci ilin martında Neft Mühəndisləri Cəmiyyətinin (SPE) ABŞ-ın Hyuston şəhərində keçirdiyi beynəlxalq konfransında da böyük maraqla qarşılanıb. O, 5 ildən çoxdur ki, Statoyl şirkətində çalışır.

R.Babayev ondan öncə Xəzər dənizində BP Azərbaycan şirkətinin əməkdaşı olub.

İlhamə
Ölkə.Az