Rusiya NATO-ya qarşı tədbir alacaq

“Biz sərhədlərimizin yanında xarici silahlı qüvvələrin yerləşməsində dəyişiklikləri izləyir, bütün bu yerdəyişmələri təhlil edirik. Bütün lazımi tədbirlər görülür. Bu həm Rusiyanın maraqlarının qorunması, həm də təhlükəsizliyinin təmini baxımından vacibdir"

Bunları Rusiya Prezidentinin mətbuat Katibi Dmitri Peskov mətbuata açıqlamasında bildirib.

Bu barədə Ölkə.Az Rusiya KİV-lərinə istinadən məlumat verir.

Onun sözlərinə görə, NATO Şərqi Avropada dörd yeni batalyon yerləşdirərsə, Rusiya öz təhlükəsizliyini qorumaq üçün lazımi tədbirlər həyata keçirəcək.

Xatırladaq ki, Litva, Estoniya və Polşa öz ərazilərində NATO qoşunlarının yerləşdirilməsi xahişi ilə Şimali Atlantika Alyansına müraciət edib.

İlhamə
Ölkə.Az